“Mançester Siti”nin baş məşqçisi Xosep Qvardiola bildirib ki, “şəhərlilər”lə müqaviləsi başa çatdıqdan sonra karyerasında fasilə verəcək.

"Unikal"ın məlumatına görə, 54 yaşlı mütəxəssis bildirib ki, insanlar məni necə yadda saxlamaq istəyirlərsə, elə də xatırlasınlar.

“Müqaviləm bitdikdən sonra fasilə götürmək niyyətindəyəm. Buna əminəm. Təqaüdə çıxacağam, ya yox – bilmirəm, amma mütləq ara vermək istəyirəm. Düşünürəm ki, “Barselona”, “Bavariya” və “Mançester Siti” azarkeşləri komandalarımın oyununu izləməkdən zövq alıblar”, - o qeyd edib.

Qeyd edək ki, Qvardiolanın “Mançester Siti” ilə müqaviləsi 2027-ci ilin yayında başa çatır.