Bakıda minifutbol üzrə dünya çempionatının açılış mərasimi keçirilib.

"Unikal" xəbər verir ki, Milli Gimnastika Arenasında təşkil olunan tədbirdə əvvəlcə Azərbaycanın əməkdar artisti Səbinə Babayevanın ifasında Dövlət Himni səsləndirilib.

Fransalı məşhur fristayler, dünya çempionu Arno Qarnye tamaşaçılara maraqlı çıxışlar nümayiş etdirib.

Mərasimdə Azərbaycanın Xalq artisti Aygün Kazımova və türkiyəli müğənni Aleyna Tilki də səhnəyə çıxıblar.

Dünya çempionatı iyunun 1-də başa çatacaq.