Fransa prezidenti Emmanuel Makronun arvadı Bricitin təyyarədə onun üzünə sillə vurmasından sonra ona dediklərini dodaq oxucusu deşifrə edib.

"Unikal" xəbər verir ki, adı açıqlanmayan fransız ekspertin sözlərini "Daily Express" sitat gətirib.

Ekspertin sözlərinə görə, Bricit təyyarədən enərkən Fransa liderinin ünvanına sərt ifadələr işlədib.

“O, nə isə mızıldanır və deyir: “Dégage, espèce de loser”, fransızca “uzaq dur, uduzan” deməkdir”, - nəşr qeyd edib.  

Mayın 26-da internetdə Emmanuel Makronun arvadı Bricit tərəfindən üzünə sillə vurduğunu göstərən video yayılıb. Hadisə Vyetnamın Hanoy hava limanında prezident təyyarəsinin göyərtəsində baş verib. Videonun həqiqiliyi Yelisey sarayı tərəfindən təsdiqlənib.

Bu görüntülər geniş ictimai rezonansa səbəb olub.