Biləsuvarda bu gün saat 15:00 radələrində yol-nəqliyyat hadisəsi səbəbilə xəsarət alan iki kişi, bir qadın Biləsuvar Rayon Mərkəzi Xəstəxanasına hospitalizasiya olunub.

Bu barədə "Unikal"a TƏBİB-dən bildirilib.

Məlumata görə, onlara bədənin müxtəlif nayihələrinin çoxsaylı travması diaqnozu təyin edilib.

Hazırda hər birinin müalicəsi tibb müəssisəsində davam etdirilir. Vəziyyətləri stabil olaraq qiymətləndirilir.

*** 15:50

Ələt-Astara magistralının 186-cı kilometrliyində, Biləsuvar rayonu ərazisində ağır yol-nəqliyyat hadisəsi baş verib.

"Unikal" xəbər verir ki, əks istiqamətlərdə hərəkət edən "Ford" markalı yük avtomobili ilə "Opel" markalı minik avtomobili toqquşub. Qəza nəticəsində hər iki nəqliyyat vasitəsində olan 5 nəfər müxtəlif dərəcəli bədən xəsarətləri alıb.

Yaralılar dərhal Biləsuvar Rayon Mərkəzi Xəstəxanasına çatdırılıb. Onlardan ikisinin vəziyyətinin xüsusilə ağır olduğu bildirilir.

Hadisənin səbəbləri ilə bağlı araşdırma aparılır.

Xəlil Əliyev