Şəmkir rayonunda yanğın olub.

"Unikal"ın məlumatına görə, hadisə rayonun Sabirkənd kəndində baş verib.

Kənd sakinlərinin birinin həyətində olan fermada anidən yanğın başlayıb. Dərhal hadisə yerinə FHN-nin Dövlət Yanğından Mühafizə Xidmətinin Şəmkir və Gədəbəy rayon Dövlət Yanğından Mühafizə Hissəsinin yanğınsöndürən texnikası və canlı qüvvəsi cəlb olunub.

Yanğın zamanı fermada olan mal-qara xilas edilib. Yanğın söndürülüb və fermanın qalan hissəsi yanğından mühafizə olunub.

Yaxınlıqdakı tikililər yanğından mühafizə edilib. Faktla bağlı araşdırma aparılır.

Tural Əhmədov