ABŞ prezidenti Donald Tramp ABŞ-nin İranla qarşıdurmada "hərbi cəhətdən qalib gəldiyini" bəyan edib.
"Unikal" xəbər verir ki, o, vəziyyəti "demək olar ki, hərbi qələbə" adlandırıb.
Trampın sözlərinə görə, Vaşinqtonun əsas məqsədi İranın nüvəsizləşdirilməsi və nüvə silahı əldə etməsinin qarşısını almaqdır.
"Bu, İranın nüvəsizləşdirilməsi ilə bağlıdır. Biz onların nüvə silahına sahib olmasını istəmirik və onlar da buna sahib olmayacaqlar. Onlar buna razılaşıblar - inciməyin", - deyə Tramp bildirib.
O, həmçinin, Dohada keçiriləcək danışıqlara münasibət bildirərək, danışıqların əhəmiyyətli ola biləcəyini, lakin onların nəticəsinin əvvəlcədən müəyyən edilmiş bir nəticə olmadığını vurğulayıb.
"Dohadakı görüş vacib ola bilər, ya da olmaya bilər. Görəcəyik", - deyə Ağ Ev lideri qeyd edib.
