"1% müəllimlərimiz var ki, onlar 34 saat dərs deyir. Həmin müəllimlərin maaşı 2 000 manatdan artıqdır". 

"Unikal" xəbər verir ki, bunu elm və təhsil naziri Emin Əmrullayev ADA Universitetində keçirilən "Sertifikatlaşdırma 2025: peşəkar müəllim - keyfiyyətli təhsil"  mövzusunda keçirilən tədbirdə deyib. 

Nazirin sözlərinə görə, 11% müəllim 31 saat işləyir ki, onların da maaşları 1500-2000 manat arasındadır:

"33% müəllim həftədə 25 saat dərs deyir və 1000–1500 manat maaş alır. Bu, 39 296 müəllim deməkdir.

41% müəllim həftədə 17 saat dərs deyir və 500–1000 manat əməkhaqqı alır. Bu qrupa 49 757 nəfər daxildir.

14% müəllim isə cəmi 8 saat dərs deyir və 500 manata qədər maaş alır. Belə müəllimlərin sayı 17 492 nəfərdir.

Biz istəyirik ki, müəllim yarımştat işçi olmasın. Həftədə 5 saat məktəbə gələn adama müəllim demək, mənim fikrimcə, düzgün deyil". 

Ağarza Elçinoğlu