Xəbər verdiyimiz kimi, Yuliya Sviridenkonun Ukraynanın Baş naziri təyin edilib. O, Ukraynanın 19-cu baş naziri və postda vəzifə tutan ikinci qadın olub.
"Unikal" xəbər verir ki, Sviridenko 1985-ci il dekabrın 25-də Çerniqov şəhərində anadan olub. 2015-ci ildən Çerniqov Vilayət Dövlət Administrasiyasında rəhbər vəzifələrdə çalışıb: İqtisadi İnkişaf Departamentinə rəhbərlik edib, Çerniqov Vilayət Dövlət Administrasiyası rəhbərinin birinci müavini vəzifəsini tutub, 2018-ci ilin iyul ayından dekabr ayına qədər isə Regional Dövlət Administrasiyasının rəhbəri vəzifəsində çalışıb.
2019-2020-ci illərdə İqtisadi İnkişaf, Ticarət və Kənd Təsərrüfatı nazirinin birinci müavini olub.
Ukrayna prezidentinin 22 dekabr 2020-ci il tarixli sərəncamı ilə o, Prezident Aparatı rəhbərinin müavini təyin edilib. 2021-ci il noyabrın 4-də Ali Rada Yuliya Sviridenkonu baş nazirin birinci müavini - iqtisadiyyat naziri təyin edib.
Yeni Baş nazir iş adamı Sergey Derlemenko ilə evlidir. Cütlüyün Sofiya adlı bir qızı var.
Qeyd edək ki, Ukrayna Respublikasının 14-cü və ilk qadın Baş naziri (2007 –2010) Yuliya Timoşenko olub.
Gülayə Mecid
Fotoda Y. Timoşenko
.jpg)
.webp)
