"Hazırda Azərbaycanda yaşayıram".

Bu sözləri "Unikal"a eksklüziv açıqlama verən azərbaycanlı milyarder Fərhad Əhmədov deyib. O bildirib ki, Rusiyaya az gedib-gəlir:

"Ora ilə əlaqəm demək olar ki, yoxdur. Hazırda Udmurtiyada 43 milyonluq, ən böyük və birinci, müasir texnologiyaya malik "Gapalu" kök sistemi ilə ting biznesi açıram.

Vətən daha yaxşıdır. Burada yaşamaq istəyirəm. 24 il Azərbaycana xeyir vermişəm və verəcəm.

Mən Göyçay və İsmayıllı rayonlarında bir milyona yaxın nar, alma, badam, pavloniya və üzüm tingləri əkmişəm.

Torpaq və vətən 60 yaşından insanı maqnit kimi çəkir. Sentyabrın 15-də 70 yaşım tamam olacaq.

Sentyabrın 10-dan 15-nə kimi yetmiş min ağac əkəcəm. Biləsiniz ki, bu rayonlarda yaratdığım təsərrüfatda xeyli kəndçi işləyir, ailəsinə çörək aparır".

Asəf Rzayev