Vətən Müharibəsi şəhidi Ceyhun Gözəlzadənin atası Nazim Gözəlov dünyasını dəyişib. 

"Unikal" xəbər verir ki, 49 yaşlı şəhid atası bu gün müalicə olunduğu Biləsuvar Rayon Xəstəxanasında vəfat edib.

Qeyd edək ki, şəhid Gözəlzadə Ceyhun Nazim oğlu 25 aprel 2002-ci ildə Biləsuvar rayonunun Bəydili kəndində anadan olub, kənd orta məktəbini bitirib.
C. Gözəlzadə 2020-ci ilin iyul ayında Tərtər rayonunda yerləşən N saylı hərbi hissədə həqiqi hərbi xidmətə başlayıb. Vətən müharibəsində iştirak edib, Ağdərə rayonu istiqamətində gedən döyüşlərdə  qəhrəmancasına şəhid olub.

Xəlil Əliyev