Zeynəb Xanlarova əməliyyat olundu
Xalq artisti, millət vəkili Zeynəb Xanlarova bir neçə gün öncə ağır ürək əməliyyatı keçirib. “Unikal.org”a daxil olan məlumata görə millət vəkilinin səhhəti gözlənilmədən pisləşib və nəticədə həkim müdaxiləsinə ehtiyac yaranıb. İlk müayinədən sonra əməliyyatın keçirilməsi qərarlaşdırılıb. Mənbənin sözlərinə görə ürək əməliyyatı uğurla həyata keçirilib və xalq artisti hazırda özünü yaxşı hiss edir. Bunu da qeyd edək ki, son zamanlar Zeynəb Xanlarovanın müxalifəti dəstəkləyən açıqlamalarından sonra onun hakimiyyətlə problemləri yaranmışdı və ehtimal olunur ki, bu gərginliklər nəticəsində Zeynəb Xanlarovanın səhhətində problem yaranıb.
Unikal.org
