Canavarlar yenə Qubaya hücum etdilər
Canavarlar yenə Qubaya hücum etdilər
Ac qurdlar kənd sakinlərinin
həyətlərindəki qoyunları parçalayıb

Dünən gecə Quba rayonunun Hacı Hüseynli kəndinə canavarlar hücum edib. Quba rayon Baytarlıq İdarəsinin rəis əvəzi Nadir Bəycanovun verdiyi məlumata görə, ac qurdlar kənd sakinlərinin həyətlərindəki qoyunları parçalayıb.
Belə ki, İldırım Yolçuyevə məxsus 16 baş qoyun sürüsünə hücum çəkən yırtıcılar 4 qoyunu parçalayıb, birini yaralayıb.
Bundan başqa vəhşi heyvanlar eyni kənddə yaşayan Zaur Süleymanovun da sürüsünə hücum çəkib. Canavarlar onun 6 qoyununu parçalayıb, ikisini yaralayıb.
Xatırladaq ki, bu, son günlərdə yırtıcıların sayca beşinci hücumudur.