"Bu millət hörmətə layiqdir, bu millət alnından öpüləsi millətdir".

Unikal.org Milli.Az-a istinadən bildirir ki, bunu Türkiyə Vəkillər Kollegiyasının üzvləri ilə görüşdə prezident Rəcəb Tayyib Ərdoğan deyib. Ərdoğan ölkədə tətbiq olunmuş fövqəladə vəziyyətin konstitusiyaya uyğun olduğunu deyib.

"Fövqəladə vəziyyət konstitusiyada göstərilən prosedurla həyata keçirilib. Çevriliş gecəsinə görə hökuməti tənqid edənlər həmin gecədə yaşananları gözdən qaçırmağa çalışırlar. O gecə bir millət ayağa qalxmışdı. Bədənini güllələrə, bombalara sipər etmişdi. Elə zənn edirəm ki, dünyada da bunun bənzəri yoxdur. 79 milyonun hamısı tarixi bir imtahanı alın açıqlığı ilə verdi. Çevrilişçilərin nə qədər vicdansız, əxlaqsız, şüursuz, millətimizin isə nəcib, cəsur və qərarlı rəftar içində olduğu göründü. Bu millətə hörmət duyulur, bu millət alnından öpüləsi millətdir", - deyə Ərdoğan vurğulayıb.