"Xəzər" telekanalında "Cehizsiz gəlinlər" adlı yeni serial yayımlanacaq.
Unikal.org axsam.az-a istinadən bildirir ki, dram janrında olan ekran işi həftədə bir dəfə efirə gedəcək.
Serialda rol alan aktrisa Cəmilə Tağızadə söhbətində ekran işi ilə bağlı məlumat verib.
O bildirib ki, filmdə dörd bacıdan birini canlandırır:
"Serial ailə-məişət mövzusundadır. Hər bir ailədə baş verə biləcək hadisələrdən bəhs edilir. Baş rejissor Rüfət Şahbazovdur. İkinci rejissor isə Vüsal Məmmədovdur.
Serialda dörd bacı, 1 qardaşıq. Mənimlə yanaşı aktrisalar Günay Əhməd, Rumiyə və hamının tanıdığı balaca Nuray rol alıb.
Bir çox tanınmış aktyorlar da ekran işində çəkilir".
C.Tağızadə 1 il ərzində heç bir serialda rol almayacağını bildirib:
"Rəhbərliklə 1 illik müqavilə imzalamışıq. 1 il ərzində bundan başqa heç bir serialda çəkilə bilmərik".
