Azərbaycanlı uşaq İraqın Kərbəla şəhərində faciəli şəkildə ölüb.

Unikal.org xəbər verir ki, bu barədə "Reporta Azərbaycanın Cənub bölgəsindən olan jurnalist Zahir Əmənov məlumat verib.

O bildirib ki, Masallı rayonun Ərkivan qəsəbə sakini Habil Rəhimov Kərbəlada ailəsi ilə olarkən istidə 5 yaşlı qızı Zəhra dünyasını dəyişib. Z.Rəhimova Kərbəla şəhərində torpağa tapşırılıb.
Uşağın günvarmadan öldüyü ehtimal edilir.

Onun sözlərinə görə, Z.Rəhimovanın atası Rəhimov Habil İltizam oğlu Suriyada dini təhsil alırmış. Suriyadakı məlum hadisələrdən sonra o, təhsilini Nəcəf şəhərində davam etdirib. Bu səfərdə də məqsəd H.Rəhimovun dövlət imtahanı verməsi ilə bağlı olub.

"Rəhmətə gedən Zəhra Habil Rəhimovun üç uşağından ortancılı idi. Valideynlərinin verdiyi məlumata görə, onun daha bir uşağı orada ağır xəstələnib, - Z.Əmənov əlavə edib.