3 oktyabr 2016-cı il saat 12:00-dan etibarən Azərbaycan mediasında yeni internet Radio və Televiziya özünün ilk efir yayımına start verəcək.

Unikal.org xəbər verir ki, "Butafm Radio və Televiziya Məhdud Məsuliyyətli Cəmiyyəti 12 may 2016-cı il tarixdən etibarən fəaliyyətə başlayıb.

"MİLLİ NAXIŞ, MİLLİ BAXIŞ... devizi ilə fəaliyyət göstərən radio və televiziyanın yaradılmasında məqsəd ən gözəl milli və xarici musiqilərlə zövqləri oxşamaq, bir-birindən maraqlı, maarifləndirici verilişlər, layihələr ilə sizlərin görüşünə gəlməkdir.

Bunlarla bərabər, Azərbaycanda və dünyada gün ərzində baş verən siyasi, sosial, iqtisadi, mədəniyyət, şou-biznes, idman aləmində yaşananlar barəsində ən mühüm, son xəbərləri, o cümlədən hava haqqında məlumatı əldə edəcəksiniz.

"Butafm Radio və Televiziya MMC-nin direktoru Əlizadə Azər İsabala oğlu, icraçı direktoru Bayramov Teymur Rzaqulu oğlu, texniki direktoru Abbasov Abbas Zeynəlabdin oğlu, baş redaktoru Mahmudzadə Şəhanə Müşfiq qızıdır.