"Azəriqaz" İstehsalat Birliyi Nardaran qəsəbəsində fəaliyyət göstərən "Rəhimə xanım" ziyarətgahına təbii qazın verilişinin dayandırılması barədə məsələyə münasibət bildirib.
Unikal.org xəbər verir ki, qurumun mətbuat xidmətinin əməkdaşı İbrahim Kərbəlayev trend-də açıqlamasında ziyarətgaha qazın verilməsinin dayandırılması faktını təsdiqləyib:
"Əvvəllər Nardaran qəsəbəsində qaz çəkilişi pərakəndə olanda həmin ziyarətgaha da sakinlər özləri qaz çəkib. Nardaran qəsəbəsinin qazlaşdırılması prosesi yenilənərkən məlum oldu ki, ziyarətgah "Azəriqaz" İstehsalat Birliyinin abonenti deyil. Ona görə də qəsəbənin qazlaşdırılması zamanı həmin obyektə qazın verilişi dayandırılıb. Ziyarətgahın rəsmi dövlət qeydiyyatına alınması ilə bağlı Qafqaz Müsəlmanları İdarəsindən arayış alınaraq "Azəriqaz" a təqdim edilərsə, obyektə abonentlik veriləcək və bina qazla təmin olunacaq".
**
Bakı şəhərinin Nardaran qəsəbəsindəki "Rəhimə xanım ziyarətgahı məscidinə sabahdan etibarən təbii qaz veriləcək.
Unikal.org xəbər verir ki, bunu "Reporta məscidin axundu Musa Rza bildirib.
O qeyd edib ki, məscidin qazı 2015-ci ilin dekabrından kəsilib. M.Rza deyib ki, yeni qaydalara görə, məscid Dini Qurumlarla İş üzrə Dövlət Komitəsində qeydiyyata alınmalı idi: "Biz də qeydiyyatla bağlı Dini Qurumlarla İş üzrə Dövlət Komitəsinə müraciət etdik. Müraciətimiz müsbət cavablandırıldı və bu ilin sentyabr ayında məscid qeydiyyata alındı. Sonra texniki şərtlərin alınması üçün ASAN Xidmətə müraciət etdik.
Onun sözlərinə görə, ASAN Xidmət bu gün texniki şərtləri təqdim edib və həmin texniki şərtlərin alınması ilə bağlı arayış "Azəriqaz"a göndərilib: "İstehsalat Birliyindən bizə bildirdilər ki, sabah qazın verilişi təmin olunacaq.
"Azəriqaz" İstehsalat Birliyinin mətbuat xidmətindən "Reportun sorğusuna cavab olaraq bildirilib ki, abonent uçotu sistemində qeydiyyatda olan və təbii qazla təmin olunan İslam dini təyinatlı ibadət, digər konfessiyalara məxsus məbəd və ziyarət yerlərinin orta illik qaz sərfiyyatı 1 953 kubmetr olduğu halda İstehsalat Birliyi tərəfindən hər bir məbədə illik 5 min kubmetr limitin əvəsiz verilməsi həyata keçirilir: "2016-cı il noyabrın 1-ə olan məlumata əsasən, bu çərçivədə 378 məscid və dini məbədin təbii qazdan əvəzsiz istifadəsi üçün 1 890 000 kub metr limit ayrılıb. SOCAR-ın "Azəriqaz İstehsalat Birliyi insanların dini inanclarından asılı olmayaraq hər bir məbədə hörmətlə yanaşır.
Qurumun mətbuat xidmətindən bildirilib ki, "Rəhimə xanım ziyarətgahı məscidinin qazla təmin edilməsi ilə bağlı müraciət təqdim olunandan sonra "Azəriqaz" məscidin tez bir zamanda təbii qazla təmin olunması üçün bütün köməkliyi göstərəcək.
.jpg)
