Bakıda yanğın nəticəsində 1 nəfər tüstüdən zəhərlənib.
Unikal.org-un FHN-nin saytına istinadən verdiyi xəbərə görə, yanğın şəhərin Qaradağ rayonunda Dəmir Yolları QSC-nin Ələt deposuna məxsus ümumi sahəsi 54 m2 olan xidməti vaqonunda baş verib.
Nəticədə vaqonun tavanı, divarının taxta və şüşə pambıqdan ibarət üzlüyü 12 m2 sahədə yanıb.
Yanğının kəşfiyyatı zamanı 1 nəfər tüstüdən zəhərlənmiş halda yanğınsöndürənlər tərəfindən xilas edilərək aidiyyəti üzrə təhvil verilib. Vaqonun qalan hissəsi yanğından mühafizə olunub.
