Şəmkir rayonunda toydan çıxıb evinə gedən sürücü qəzaya uğrayıb.

Unikal.org-un "Report"a istinadən məlumatına görə, hadisə axşam saatlarında Şəmkir şəhərində baş verib.

Rayon sakini, 1978-ci il təvəllüdlü Sarıyev Ülvi Quba oğlu tanışının toy şənliyində iştirak etdikdən sonra özünün "Niva" markalı avtomobili ilə evinə qayıdarkən qarşı tərəfdən gələn "Mercedes-Benz " markalı avtomaşınla toqquşub. Nəticədə Ü.Sarıyev müxtəlif bədən xəsarətləri alıb.

O, Şəmkir Rayon Mərkəzi Xəstəxanasına yerləşdirilib. Həkimlər tərəfindən tibbi yardım göstərilən yaralı travmatologiya şöbəsinə yerləşdirilib. Onun vəziyyətinin orta-ağır olduğu bildirilir.

Faktla bağlı araşdırma aparılır.