"CNN" kanalında "Believer" adlı bir sənədli filmin İran əsilli aparıcısı Rza Aslanın Hindistanda çəkdiyi kadrlar dünyanı şoka salıb.

Unikal.org xəbər verir ki, sözügedən sənədli film Aqhorilərin inanclarından bəhs edib. Dünyadakı müxtəlif inanclara inanan qruplarını araşdıran və verilişində onların ənənələrini ətraflı şəkildə göstərməyə çalışan Rza Aslanın Aqhorilər ilə bağlı çəkdiyi görüntülər mübahisə yaradıb. Hindistanın Varanasi şəhərindəki çəkilişlər zamanı çətin anlar yaşayan Aslana Aqhorilər əvvəlcə insan kəllə sümüyündə içki içirdiblər. Sonra isə çəkiliş qrupunun də ruhlandırmaq üçün ona bişirilmiş insan beynini yemək təklif edilib. Bütün bunlardan əlavə 44 yaşlı aparıcının üzü yandırılmış insan bədəninin insan külləri ilə boyanıb.

Aqhorilər kimdir?

Aqhorilər Hind tanrılarından şivaya ibadət edən məzhəb qrupudur. Getdikcə sayları azalan Aqhorilər tayfası ibadətlərini hər kəsdən gizlin yerinə yetirir. Onlar adətən ölülərin yandırıldığı yerlərdə (Varanasi) yaşır. Aqhorilər belə hesab edir ki, insanın ölümdən qorxusu aydınlığa çıxmağa mane olur. Odur ki, çıxış yolunu ölüləri yeməkdə görürlər.
Pislikdən təmizlənib nirvanaya çatmaq üçün cəmiyyət tərəfindən murdar, pis və iyrənc adlandırılan şeyləri dini ritual halına gətiriblər. İnsan cəsədlərinin çiy ətlərini yeyərək onların təcrübələrini qazandıqlarını inanırlar. Bu rituallar arasında ən dəhşətlisi, yandırılan insanların külünü bədənlərinə sürtmək, meyitlərlə cinsi əlaqəyə girmək, insan sümüklərindən boyunbağı kimi müxtəlif bəzək əşyaları istifadə etmək, sidik içmək, hətta kəllə sümüyündən kasalar düzəldirlər.
Aqhorilər həyatı üç təmələ əsaslandırır;
1. Tanrılar mükəmməldir
2. Hər şeyi tanrılar yaradıb
3. Bu halda hər şey mükəmməldir