Azərbaycan dövlət başçısı İlham Əliyev Cənubi Afrika Respublikasının prezidenti Ceykob Gedleyihlekisa Zumaya təbrik məktubu göndərib.

Unikal.org-un məlumatına görə, məktubda deyilir: "Cənubi Afrika Respublikasının milli bayramı - Azadlıq Günü münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi yetirirəm.

İnanıram ki, ölkələrimiz arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir.

Bu əlamətdar gündə Sizə möhkəm cansağlığı, işlərinizdə uğurlar, dost xalqınıza əmin-amanlıq və rifah arzulayıram".