Rövşən Lənkəranskinin qətli Moskvada baş verən bazar müharibələri ilə birbaşa bağlı ola bilər. 

Unikal.org lent.az-a istinadən xəbər verir ki, bu versiyanı Rusiyanın kriminal saytlarının biri irəli sürüb. Mötəbər mənbədən sayta daxil olan məlumata görə, "Çetıre sezona meyvə-tərəvəz bazasından alver edən azərbaycanlılar bir müddət sonra əslən Qubadan olan Zarah İliyev və Qod Nisanovun sahibi olduğu "Fud Sitiyə kütləvi axın ediblər. Elə bütün söhbətlər də bundan sonra başlayıb.

Məlumata görə, məşhur "Pokrov bazasının bağlanmasından sonra yəhudi əsilli iş adamları "Fud Sitinin əsasını qoyaraq azərbaycanlıları məhz ora köçürmək istəyirdilər. Amma illərdir Moskva bazarında çalışan həmyerlilərimiz "Fud Sitiyə yox, Domodedovo rayonunda yerləşən və loqistik baxımdan daha əlverişli sayılan "Çetıre sezonaya üz tutdular. Bunun bir səbəbi də, "Pokrov bazasını işlədən Məhərrəm və Nuruş adlı şəxslərin məhz bu bazanı seçməsi idi.

Məhhərəm və Nuruş isə illərdir məhz Rövşən Lənkəranskin patronajlığı altında çalışırdılar. Həmin bazanın əsl sahibləri Ananyev qardaşları və keçmiş avtoritet Timofey Kurqin olsa da, Moskvada heç kimə sirr deyildi ki, oranın "krışalığını məhz Rövşən edirdi. Saytın yazdığına görə, təkcə "Pokrov bazasında yox, Moskvada bağlanmış bütün irili-xırdalı bazarlarında çalışan azərbaycanlılar Rövşənin timsalında etibarlı hami kimi məhz bu bazanı seçmişdilər. "Fud sitinin mağaza və piştaxtaları isə həmin vaxt bomboş qalmışdı.

Məlumatda deyilir ki, "Çetıre sezonanın qara günləri Məhərrəm və Nuruşun Rövşənə və bazar rəhbərliyinə pul atmasından sonra başladı. Bir yandan da illərdir Moskvada bazar idarəçiliyi ilə məşğul olan Məhərrəm və Nuruş "Fud siti rəhbərliyi tərəfindən şirnikləndirilərək ora cəlb edildilər.
Amma Nuruş və Məhərrəmin bəxti bir məqamda gətirdi: Rövşən həmin ərəfədə qətlə yetirildi. Məlumata görə, Rövşənin qətlində məhz bu bazar münaqişəsinin böyük rolu olub. Hər halda bu da yen bir versiyadır.