Xəbər verdiyimiz kimi, Ermənistan prezidenti Serj Sarkisyan bu gün Almaniyaya səfərə gedib. O, səfər əsnasında Almaniya kansleri Angela Merkel və Almaniya dövlət başçısı Yoaxim Qaukla görüşərək Qarabağ məsələsini müzakirə edəcək.
Unikal.org-un məlumatına görə, hazırda görüşün baş tutacağı Federal Kansler binasının qarşısında xeyli sayda azərbaycanlı var. Onlar erməni prezidentinə qarşı keçirilən mitinqdə iştirak edərək bir milyondan çox məcburi köçkünə dəstək nümayiş etdirir, son günlər cəbhə xəttində baş verən erməni təxribatlarına etiraz edirlər.
Etiraz mitinqində iştirak edən soydaşlarımızın sözlərinə görə, hazırda Sarkisyan Federal Kansler binasına daxil olub. Aksiya iştirakçıları "Qarabağ bizimdir, bizim olacaq" şüarlarını səsləndirir. Binanın qarşısında 300-dən çox etirazçı var.
Mitinq iştirakçıları əvvəlcə dövlət himnini, daha sonra əsgər marşını oxuyublar. Qadağan olunsa da, aksiyada "Sarkisyan terrorçu" şüarı da səsləndirilib.(qafqazinfo)
.jpg)
.jpg)
