ABŞ-a səfər etmək üçün viza almaq istəyənlərin işi çətinləşib.

Unikal.org-un Türkiyə mətbuatına istinadən xəbər verir ki, Tramp Administrasiyasının qərarı ilə viza almaq üçün müraciət edən şəxslərin 5 il ərzində sosial mediadakı paylaşımları araşdırılacaq.
Bundan əlavə viza almaq istəyən şəxsin elektron poçt ünvanları, indiyədək hansı ölkələrə səfərlər etməsi, eləcə də köhnə pasportun nömrələri tələb olunacaq.

ABŞ rəsmiləri viza şərtlərinin sərtləşdirilməsini təhlükəsizlik tədbirlərinin gücləndirilməsi ilə əlaqələndiriblər.

Tramp Administrasiyasının bu addımı beynəlxalq arenada bir o qədər xoş qarşılanmayıb.