Bu gün Xəzər dənizinin Suraxanı rayonuna düşən sahilində - Hövsandakı çimərlikdə batan gənclərdən birinin meyiti tapılıb.

Unikal.org  xəbər verir ki, lent.az-ın əldə etdiyi məlumata görə, bədbəxt hadisə nəticəsində vəfat etmiş 20-22 yaşlı oğlanın meyiti bu dəqiqələrdəsudan çıxarılıb. Hazırda həmin oğlanla birgə dənizdə batan gənc qadının meyiti axtarılır.

Qeyd edək ki, paytaxtda hava şəraiti nisbətən küləkli keçdiyindən dənizdə dalğalar var və bu, axtarış tədbirlərinə mənfi təsir edir. Gənclərin də dalğaların təsiri nəticəsində suyun dərin hissəsinə gedərək boğulduğu ehtimal edilir.

xxx

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə, Bakı şəhəri, Suraxanı rayonunda dənizdə 2 nəfərin batması barədə məlumat daxil olub.

Unikal.org-un  FHN-in saytına istinadən verdiyi məlumata görə, dərhal Nazirliyin Kiçik həcmli gəmilər üzrə Dövlət Müfəttişliyi və Sularda xilasetmə Dövlət Xidmətinin dalğıc-xilasediciləri hadisə yerinə cəlb olunaraq axtarışlara başlayıblar.

Dənizdə batan şəxslərin qız və oğlan olduğu məlum olub. Onların şəxsiyyəti hələlik məlum deyil.

Axtarışlar davam etdirilir.