İspaniyanın Barselona şəhərində törədilən terror aktından sonra iki silahlı şəxs restoranlardan birinə basqın edib

Unikal.org "Hürriyət"ə istinadən xəbər verir ki, silahlı şəxslərin daxil olduğu restoran türklərə məxsusdur.

Yayılan məlumatlara görə, silahlılar restoranda bir neçə nəfəri girov götürüb.

Hazırda polis əraziyə heç kimi buraxmır. Yaxınlıqdakı metro stansiyası və mağazalar bağlanıb.

Hələki bu olayla bağlı rəsmi məlumat verilməyib.

Qeyd edək ki, bir qədər əvvəl Barselonanın mərkəzində, Rambla küçəsində naməlum sürücü idarə etdiyi mikroavtobusu kütlənin üzərinə sürüb. Hadisə nəticəsinə 13 nəfər ölüb, 20 nəfər isaə yaralanıb. Polis hadisəni terror aktı kimi dəyərləndirib.