Bu gün saat 17:00-da Ermənistanın Tavuş vilayətinin Nerkin Karmirağbyur-Paravakar yolunda yanmış avtomobildə cəsəd tapılıb.

Unikal.org xəbər verir ki, bu barədə Ermənistanın Fövqəladə Hallar Nazirliyi məlumat yayıb.

Nerkin Karmirağbyur kəndinin icra rəhbəri Manvel Kamendatyan Aravot.am saytına bildirib ki, "VAZ-2106" markalı avtomobildə yanaraq ölən şəxs 32 yaşlı kənd sakini, müqaviləli hərbi qulluqçu Vardan Qriqoryandır.

Qəza ilə bağlı araşdırma aparılır.