Son zamanlar problemli kreditlərin sayı artıdığından banklar əsas borculuya verilən pulu zaminlərdən alırlar. Mütəxəssislər isə bildirir ki, qanunvericiliyə əsasən bir sıra hallara görə zaminlikdən imtina etmək mümkündür. Əksər vətəndaşlar isə bundan xəbərsizidir.

Unikal.org xezerxeber-ə istinadən xəbər verir ki, bunun ilk yolu borclunun zaminin başqa birilə əvəz edilməsi üçün banka müraciət etməsidir. Lakin bunun qəbul edilməsi üçün mütləq qaydada bankın da razılığı olmalıdır. Bundan başqa, zaminlik məhkəmə üsulu ilə də ləğv edilə bilər.

Müqavilə bağlandıqdan sonra zamin aldadıldığını hesab etdikdə də zaminliyin ləğvi üçün məhkəməyə müraciət edə bilər.

Eyni zamanda, əsas borclunun ödəmədiyi vəsaiti banka ödəyən zamin daha sonra ödədiyi vəsaiti və əlavə faizlərini borcludan məhəkəmə yolu ilə tələb edə bilər.