Moskvanın Çerkizovo bazarının keçmiş sahibi, sifarişli qətlin təşkilində ittiham olunan Telman İsmayılov Monteneqroda gizlənir.

Unikal.org qafqazinfo-ya istinadən xəbər verir ki,  "Prestupnaya Rossiya saytına məlumatlı mənbə məlumat verib.

Onun sözlərinə görə, qaçqın oliqarx bu ölkənin hakim dairələri ilə onun Rusiyaya deportasiya edilməyəcəyi ilə bağlı razılıq əldə edib.

Xatırladaq ki, ötən il İsmayılovlar ailəsi Antalyadakı "Mardan Palace mehmanxana kompleksinin ərazisində yerləşən malikanədə yaşayırdı. Lakin onlar Rusiyaya təhvil verilməkdən ehtiyatlanaraq Türkiyəni tərk ediblər.

Türk araşdırmaçılarına görə, biznesmen "qanuni oğru Rövşən Canıyevin ( Rövşən Lənkəranski) qətlində ittiham olunur. Oliqarxın ailəsi bir müddət Fransada yaşayırdı. Lakin "İnterpolla beynəlxalq axtarışa veriləndən sonra İsmayılov özünün təhlükəsizliyini düşünərək Monteneqroya gedib.