Xorvatiyada mərc həvəskarı rekord məbləğdə uduş əldə edib.

Unikal.org report-a istinadən xəbər verir ki, paytaxt Zaqrebin sakini - İvan M (61) adlı istifadəçi 766,231 kuna (təxminən 206 min manat) udub. Bu isə Xorvatiya mərc tarixində rekord göstəricidir. Vergilər çıxıldıqdan sonra qalibə 588,376 kuna (təxminən 158 min manat) ödənilib.

O, bu uduşu 25 matça düzgün proqnoz verməklə qazanıb. Kuponda yer alan görüşlər arasında "Qarabağın Çempionlar Liqasının II təsnifat mərhələsində Albaniyada "Kukesiyə qarşı keçirdiyi ilk oyun da yer alıb. Mərc həvəskarı qolsuz başa çatan qarşılaşmanın ilk yarısının heç-heçə yekunlaşacağını doğru təxmin edib.

Qeyd edək ki, "Qarabağla "Kukesi arasında cavab oyunu avqustun 1-də Tofiq Bəhramov adına Respublika stadionunda keçiriləcək və saat 21:00-da başlayacaq.