Türk milləti belə güclü ordusu olduğu üçün şükürlər etsin.
 
Unikal.org Axar.az-a istinadən xəbər verir ki, bu sözləri Türkiyənin keçmiş Baş Qərargah rəisi İlkər Başbuğ Almaniyada təşkil edilən konfranslardan birində deyib.
 
"Türkiyənin indi ordusu var?" sualına ehtiyatda olan general çox sərt cavab verib:
 
"Ordu bir ölkə üçün çox önəmlidir. Bizim elə bir ordumuz var ki, 400 şəhid verib, siz nədən danışırsınız? Bir neçə gün öncə xəstəxanadakı hərbçilərimizi ziyarətə getdim. Orda PKK ilə mübarizədə çənəsindən yaralanmış bir zabit var idi. Həkimlər mənə "danışa bilmir" dedilər. Otağına girən zaman o, çətinliklə də olsa danışdı və indi yoldaşlarını PKK ilə mübarizədə tək qoyduğu üçün təəssüfləndiyini bildirdi. Belə bir orduya sahib olduğu üçün türk milləti şükürlər etsin. Dünyanın heç bir ölkəsində belə bir ordu tapa bilməzsiniz".