Mingəçevirdə 3 nəfərin xəsarət alması ilə nəticələnən yol qəzası baş verib.

Unikal.org "Report"a istinadən xəbər verir ki, hadisə Mingəçevir-Xaldan avtomobil yolunda baş verib.

Belə ki, "Slavutiç" markalı minik avtomobili "Merсedes" markalı mikroavtobusla toqquşaraq yoldan çıxıb və aşıb. Hadisə nəticəsində 3 nəfər - sürücü, 1962-ci il təvəllüdlü Orucov Əmir Duman oğlu, 2002-ci il təvəllüdlü Orucova Ləman Əmir qızı və 2018-ci il təvəllüdlü Orucova Fatimə Royal qızı xəsarət alıb. Yaralılar xəstəxanaya yerləşdirilib.

Faktla bağlı araşdırma aparılır.