Bu gün Şri-Lankada kilsələrdə və otellərdə törədilən 8 partlayış nəticəsində 12 ölkənin vətəndaşı həyatını itirib.

Unikal.org-un məlumatına görə, bu barədə “News 1st” telekanalı məlumat yayıb.

Terror aktları nəticəsində 35 əcnəbi ölüb. Telekanalın məlumatına görə, ölənlər arasında Danimarka, Yaponiya, Hindistan, Pakistan, Mərakeş, Banqladeş, Belçika, Çin, Hollandiya, Türkiyə, ABŞ və Böyük Britaniya vətəndaşları var.
 Qeyd edək ki, bu gün paytaxt Kolombo və ölkənin digər yaşayış məntəqələrində kilsə və otellərdə törədilən partlayışlarda ölənlərin sayı 215 nəfərə çatıb, 450-dən artıq insan yaralanıb.