Qazaxda Gürcüstan vətəndaşı olan qadını öldürdüyünə görə həbs olunan şəxsin daha bir nəfəri qətlə yetirməsi məlum olub.
 
Unikal.org-un DİN-in saytına istinadən verdiyi məlumata görə, Gürcüstan vətəndaşı Elmira Tanrıverdiyevanı qətlə yetirməkdə şübhəli bilindiyinə görə iyunun 23-də tutulmuş Eldəniz Babayevin ətrafında Qazax RPŞ əməkdaşları tərəfindən aparılmış əməliyyat tədbirləri ilə onun Elmiranın azyaşlı qızı Fatiməni də boğaraq qətlə yetirməsi müəyyən edilib. Uşağın meyiti Ağstafa çayının Xanlıqlar kəndindən keçən hissəsindəki sahildə tapılıb.
 
Faktla bağlı araşdırma aparılırır.