İraqda hökümət əleyhinə aksiyalarda  bu günə qədər 300-dən çox insan həyatını itirib, 15 mindən  çox insan yaralanıb.

Unikal.org xəbər verir ki, etirazçılar Zikar vilayətində  valiliyin yeni binasına molotov kokteyli atıblar.

İşsizlik, korrupsiya, dövlət idarəçiliyindən narazılıq səbəbindən bir oktyabr tarixindən başlayan aksiyalar hələ də davam edir.  Xüsusilə, paytaxt Bağdadın mərkəzi və cənub bölgələrində davam edən nümayişlər zamanı İranın ölkədəki təsirinə də reaksiyalar dilə gətirilir.

Aksiya fəalları ölkənin baş naziri Adil Əbdülmehdini etirazçıları öldürməkdə günahlandırırlar. Ölkənin cənubundakı neftlə zəngin Bəsrə şəhərində  bu sabah etirazçılar təkərləri  yandıraraq, neft sahələrini və Um Qasr limanına gedən yolları bağlayıblar

Hökümətin islahat paketlərindən razı qalmayan nümayişçilər baş nazir  Adil Əbdülmehdinin təhlükəsizlik qüvvələrinə qarşı zorakılıq tətbiq etməyi əmr etdiyini bildirirlər. Onlar korrupsiyada ittiham etdikləri hökumətin istefasını tələb edirlər.