"Dünən ölkəmizdə keçirilmiş bələdiyyə seçkiləri zamanı mənim mənəvi oğlum Corc Qafarov Suraxanı Rayon Qaraçuxur bələdiyyəsinin üzvü seçilib. Bunun üçün ölkəmizdə yaratdığı demokratik seçki ab-havasına görə, möhtərəm Prezidentimiz İlham Əliyevə minnətdarlığımı bildirirəm. Corc həm məni bir ana kimi sevindirib, həm də yaradıcılıq uğurları ilə yanaşı, böyük bir siyasi karyeraya başlayıb".

Unikal.org  xəbər verir ki, bunu müğənni Roza Zərgərli şəxsi instaqram hesabında yazıb.

"Hamı bilir ki, Corc Suraxanıda uşaq evində böyümüş, bizim ailəmizə daxil olmuş, təhsil almış, daha sonra isə təhsilini ali təhsil alaraq davam etdirmiş, hərbi xidmətini uğurla başa çatdırmış və bu gün yaradıcıllıq fəaliyyəti ilə məşğul olur. Doğrudan da, Azərbaycanda demokratiyanın ən böyük göstəricisi Azərbaycan gəncliyinə yaradılmış şəraitdır ki, uşaq evində böyümüş bir uşaq seçkili orqanda təmsil oluna bilər",- deyə R.Zərgərli qeyd edib.

Qeyd edək ki, Roza Zərgərlinin övladlığa götürdüyü Corc Qafarov ötən gün keçirilən seçkilərdə Qaraçuxur bələdiyyəsinin üzvü seçilib.