İndoneziyanın Şimali Sulavesi adasında rixter cədvəli üzrə 6,1 bal gücündə zəlzələ baş verib.
Unikal.org xəbər verir ki, yeraltı təkanların episentri Melonqane vilayəti sahillərində yerin 10 kilometr dərinliyində yerləşib. Dağıntı və tələfat barədə hələlik məlumat yoxdur. Sunami xəbərdarlığı elan edilsə də, dalğanın hündürlüyünün sahilə çatana qədər təsirini itirəcəyi bildirilib.

Xatırladaq ki, səhər saatlarında Şərqi Yava əyalətində 6,3 bal gücündə zəlzələ baş verib. Tələfat barədə məlumat yoxdur.