Bakı Media Mərkəzi Mədəniyyət Nazirliyinin dəstəyi ilə, C.Cabbarlı adına “Azərbaycanfilm” kinostudiyası ilə birgə yeni videoçarx hazırlayıb.

Unikal.org xəbər verir ki, videoçarx ağ xalatlı qəhrəmanlara həsr olunub. Bildirilib ki, dünyanın hazırda bir nömrəli probleminə çevrilən koronavirus (COVID-19) infeksiyası ilə mübarizədə əsas güc səhiyyə işçilərinin üzərinə düşür.

Onlar pandemiya dövründə həyatlarını riskə ataraq, böyük əzmlə virusa yoluxmuş şəxsləri müalicə edirlər. Bu fədakarlar sırasında Azərbaycan həkimləri də var.