ABŞ-da son gün ərzində yeni koronavirusa yoluxanaların və ölənlərin sayı açıqlanıb.
Unikal.org xarici mətbuata istinadən xəbər verir, son sutka ərzində ölkədə 1 203 nəfər virusun qurbanı olub.
Qeyd edək ki, Birləşmiş Ştatlarda koronavirusdan ölənlərin sayı 82 min 010 nəfərə çatıb. Son sutka ərzində COVID-19-a yoluxanların sayı daha 19 min030 nəfər artıb. Bununla da ölkədə koronavirus xəstələrinin sayı 1 388 137-yə çatıb.
ABŞ əvvəlki kimi dünyanın koronavirusdan ən zərər çəkmiş ölkəsi olaraq qalır. Virusa ən çox yoluxma və ölüm Nyu-Yorkda, Nyu-Cersidə və İllinoysda qeydə alınıb.
Bildrək ki, Nyu-Yorkda COVID-19-a 347 151 nəfər yoluxub, 27 mindən çox insan pandemiyanın qurbanı olub. Nyu-Cersidə 141 137 nəfərdə koronavirus aşkarlanıb, İllinoysda bu göstərici 79 007 nəfər təşkil edir.
İndiyə kimi Birləşmiş Ştatlarda təhlükəli virusdan 262 321 amerikalı sağalıb.