İranda koronavirusa yoluxanların sayı yenə artıb.

Unikal.org xarici KİV-ə istinadən xəbər verir ki, bu barədə İran Səhiyyə Nazirliyinin sözçüsü Kiyanuş Cahanpur bildirib.

Onun sözlərinə görə, ölkədə daha 3 117 nəfərdə koronavirus aşkarlanıb. Bununla da İranda yoluxma faktlarının sayı 157 562-yə çatıb.

K.Cahanpur bildirib ki, ölkədə koronavirusdan ölənlərin sayı daha 64 nəfər artaraq 7 942 nəfərə yüksəlib.

O həmçinin 2 565 pasiyentin vəziyyətinin ağır olduğunu vurğulayıb.

Bundan başqa, indiyədək 123 077 nəfər sağalaraq xəstəxanadan evə buraxılıb.