AFFA-nın İntizam Komitəsi “Zirə” klubunun üzvü və 21 yaşadək futbolçulardan ibarət Azərbaycan millisinin kapitanı Hacıağa Hacılını bir oyunluq cəzalandırıb.

Unikal.org xəbər verir ki, buna 22 yaşlı yarımmüdafiəçinin Azərbaycan Premyer Liqasının birinci turunda keçmiş komandası “Qəbələ” ilə görüş zamanı qeyri-idman hərəkətinə yol verməsi səbəb olub.

Həmin qarşılaşmada ikinci sarı vərəqəni alaraq meydandan kənarlaşdırılmış H.Hacılı növbəti oyunda “Səbail”ə qarşı oynamayacaq, klubu isə 200 manat cərimə ödəyəcək.