Cəlilabad rayonunda ölümlə və xəsarətlə nəticələnən ağır yol-nəqliyyat hadisəsi baş verib.
Unikal.org xəbər verir ki, hadisə Günəşli kəndində qeydə alınıb.
Astara rayon sakini S.Novruzovun idarə etdiyi “Mercedes” markalı avtomobil qarşıda gedən Muğan kənd sakini Ə.Şəmmədovun idarə etdiyi “Opel” markalı avtomobilə çırpılıb. Nəticədə Ə.Şəmmədovun sərnişinləri - həmkəndliləri Afiq Niftəliyev və Cəlal Qarayev hadisə yerində ölüb, özü isə xəstəxanaya yerləşdirilib.
Faktla bağlı araşdırma aparılır (report).
