ABŞ-ın yeni seçilmiş prezidenti Co Baydenin andiçmə mərasimi 20 Yanvar yaxınlaşarkən, Federal İstintaq Bürosunun (FTB) ölkənin 50 ştatın paytaxtındakı konqres binalarındakı silahlı etirazlarla əlaqədar bülleten çıxardığı ortaya çıxıb.

Unikal.org məlumat verir ki, əldə etdiyi FTB bülleteninə əsaslanan "ABC News"un xəbərinə görə, ölkədə  Baydenin andiçmə mərasimindən əvvəl  50 ştatın paytaxtındakı konqres binalarında genişmiqyaslı və silahlı etirazlar planlaşdırılır.

"Əldə etdiyimiz məlumata görə, 10 yanvar tarixindən etibarən 16-20 yanvar tarixlərində keçiriləcək 50 ştat konqresində silahlı etiraz aksiyaları planlaşdırılır. Eynilə, 17-20 yanvar tarixlərində Vaşinqtonda ABŞ Konqresində silahlı etirazlar olacaq",- deyə şərh edilib.