Gürcüstan və Rusiyanı bağlayan Yuxarı Lars yolunda hərəkət qismən məhdudlaşdırılıb.
Unikal.org Gürcüstan KİV-ə istinadən xəbər verir ki, yolda yük maşınları və digər ağır tonnajlı avtomobillərin hərəkəti yasaqlanıb. Bildirilib ki, qadağa müvəqqəti xarakter daşıyır və səbəb əlverişsiz hava şəraiti, qar uçqunu təhlükəsi və yolların buzlamasıdır. Hava şəraiti normallaşandan sonra hərəkət bərpa olunacaq.
Qeyd edək ki, tarixi Dəryal keçidindən keçən yol həmçinin Hərbi Gürcüstan yolu adlanır və Ermənistanla Rusiyanı da birləşdirir.
