İranda son sutka ərzində 165 nəfər koronavirusdan ölüb.

Unikal.org xəbər verir ki, bunu ölkənin Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib. Onun sözlərinə görə, İranda indiyədək 85 859 nəfər pandemiyanın qurbanı olub.

Bundan əlavə, son sutkada 17 664 nəfərdə koronavirusa yoluxma aşkarlanıb. Beləliklə, yoluxma faktlarının ümumi sayı 3 373 450 -yə yüksəlib.

Məlumatda, həmçinin 3 684 nəfərin ağır vəziyyətdə olduğu, 3 025 911 nəfərin isə xəstəlikdən sağaldığı qeyd olunub.