Rusiya prezidenti Vladimir Putin ölkəsinin Əfqanıstandakı münaqişəyə qarışmayacağını bildirib.

Unikal.org "RİA Novosti”yə istinadən xəbər verir ki, o, bunu hakim "Vahid Rusiya” partiyasının qurultayındakı çıxışı zamanı bəyan edib.

"Biz Əfqanıstandakı vəziyyəti diqqətlə izləyirik. Lakin müdaxilə etməyəcəyik, xüsusilə də hamının hamıya qarşı olduğu hərbi münaqişəyə qatılmayacağıq”, - deyə dövlət başçısı qeyd edib.

Putin xatırladıb ki, vaxtilə SSRİ-nin Əfqanıstana müdaxilə təcrübəsi olub və Rusiya bu təcrübədən nəticə çıxarıb.