"Yaxın Şərqdə terrorla mübarizə bitməyib və Fransa bu ölkədə, bütövlükdə bölgədə hərbi varlığını qoruyacaq".

Unikal.org xəbər verir ki, bu barədə Fransa Prezidenti Emmanuel Makron Bağdad Əməkdaşlıq və Tərəfdaşlıq Konfransından sonra jurnalistlərə açıqlamasında bildirib.

Prezidentin sözlərinə görə, Fransa İraqdakı mövcudluğunu terrorizmlə mübarizə aparmağın lazım olduğu müddətə, bu ölkənin səlahiyyətliləri istədiyi müddətədək qoruyacaq: 

"Bu, ABŞ-ın bölgədəki qüvvələrini qorumaq və ya geri çəkmək qərarlarına bağlı deyil. Fransa uzun illərdir ki, İraqla birlikdə terrorla mübarizəyə sadiqdir".

Makron əlavə edib ki, bölgədə İŞİD terror təşkilatı məğlub edilsə də, radikal İslamçı təhlükəsi ortadan qalxmayıb, terrorla mübarizə bitməyib.

"İraq ordusuna sərmayə qoymağa və əsgərlərinə təlim verməyə davam edəcəyik. Hazırda bölgədə 800 fransız hərbçisi var", - deyə Fransa prezidenti əlavə edib.