İlk dəfə olaraq “Rus cəngavərləri” Ermənistanda şou nümayiş etdiriblər.

"Unikal" xəbər verir ki, nümayiş bu gün Qırmızı Bayraqlı Kaçin Hərbi Aviasiya Məktəbinin 111-ci ildönümünə həsr olunub.

Aviaşou İrəvandakı Erebuni aerodromundan təşkil edilib.

4 ədəd Su-30 SM-in şousunda bəzi məqamlarda qırıcıların qanadları arasında məsafə bir metrdən də az olub.

Nümayişdən əvvəl Rusiyanın Ermənistandakı səfiri Sergey Kopırkin çıxış edib və əfsanəvi qrupun bu çıxışının Ermənistana dostluq, hörmət rəmzi olduğunu bildirib.

Qeyd edək ki, “Rus cənavərlər” qrup şəklində pilotajı ağır qırıcı təyyarələrlə nümayiş etdirən dünyada yeganə komandadır.