Rusiya işğalının iyirminci günündə işğalçı qoşunların (Rusiya nəzərdə tutulur - red.) qruplaşmaları bütün istiqamətlərdə ciddi uğur qazana bilməyib. 

"Unikal" xəbəer verir ki, bunu Ukrayna Silahlı Qüvvələrinin Baş Qərargahı cəbhələrdəki vəziyyətlə bağlı danışarkən deyib.

Qeyd olunub ki, bu gün müdafiə tədbirlərinin vəziyyəti, mövqeyi və xarakterində ciddi dəyişiklik yoxdur. Rusiya qoşunları əsas səylərini işğal olunmuş xətlərin saxlanmasına yönəltməkdə davam edir.

"Düşmənin mənəvi-psixoloji durumu aşağı səviyyədə qalır ki, bu da RF Silahlı Qüvvələrinin hərbi qulluqçularının komandanlığın əmrlərini yerinə yetirməkdən imtina etmələrinə səbəb olur. Həmçinin, mövcud məlumatlara əsasən, müvəqqəti işğal olunmuş ərazilərdən sakinlər səfərbər edilib. Luqansk vilayətinin bəzi əraziləri Ukrayna ərazisində döyüş əməliyyatlarında iştirak edən Rusiya işğalçı qüvvələrinin aktiv bölmələrinin itkilərini doldurmaq üçün göndərilib", - məlumatda deyilir.

Bildirilib ki, Rusiya qoşunları Mariupolu ələ keçirməyə cəhd edərkən, Ukrayna Silahlı Qüvvələrinin hərbçiləri onlara itkilər verərək hücumları dəf etdilər: təxminən 150 nəfər, iki tank, yeddi piyada döyüş maşını və bir zirehli transportyor. Bundan sonra düşmən hücum əməliyyatlarını dayandıraraq geri çəkildi.

Bundan əlavə, artilleriya və aviasiya düşmənin irəliləmə marşrutlarında yığılan hərbi texnika və kolonnalarına zərbələr endirib.

Ağarza Elçinoğlu