Türkiyənin xarici işlər naziri Mövlud Çavuşoğlu Ermənistan-Türkiyə münasibətlərinin normallaşmasından danışıb.

"Unikal" xəbər verir ki, çıxışı zamanı nazir erməni tərəfinin birbaşa görüş formatından yayındığını bildirib. 

"Bir tərəfdən deyirsiniz ki, bir gün biz münasibətləri normallaşdıracağıq, sərhədləri açacağıq, amma hələ də İrəvanda, Ankarada görüş təşkil etməyə cəsarət etmirsiniz. Əgər siz bizim iki ölkədə bu məsələ ilə bağlı görüş təşkil etməyə cəsarət etməsəniz, digər məsələlərə necə yanaşacaqsınız?

Bunu qınamaq üçün demirəm, amma ermənilər bir az cəsarətli olsunlar. Türkiyədə danışıqlar aparmaq istəməyinizin səbəbi nədir? Hətta deyirik ki, siz Türkiyəyə gəlməsəniz, biz İrəvana gələcəyik. Ermənilər dedilər ki, üçüncü ölkədə görüşək.  Başqa sözlə, daha cəsarətli addımlar atılmalıdır", - Çavuşoğlu bildirib.

Ağarza Elçinoğlu